१२ पुस, काठमाडौं । विश्वमा संवेदना नभएका मान्छेहरुको
तेश्रो स्थानमा नेपालीहरु पर्छन् । हरेक सय जनामा ६२ जना नेपालीहरु संवेदनाहीन
भएको एक अध्ययनले देखाएको छ । अमेरिकी अनुसन्धान संस्था ग्यालपले गरेको अध्ययनले
यस्तो देखाएको हो ।
दुई वर्ष लगाएर
गरिएको अध्ययनअनुसार विश्वमा सबैभन्दा संवेदनाहीन जनता सिंगापूरका छन् । संवेदना
नभएका जनताको दोश्रो स्थानमा जर्जिया र लिथुआनियाका जनता संयुक्त रुपमा परेका छन्
। तेश्रो स्थानमा नेपालसँगै रुस, मडागास्कार,
युक्रेन, बेलारुस, काजखस्तान र
किर्गिस्तानका जनता परेका छन् ।
सन् २००९ देखि
२०११ सम्मको अबधिमा विश्वका १५० देशका जनतामाझ अध्ययन गरी निकालिएको निष्कर्ष
अनुसार केवल ३८ प्रतिशत नेपालीमा मात्र आफ्ना दैनिक क्रियाकलाप तथा अन्य विषयका
बारेमा संवेदना अर्थात इमोसन छ ।
अध्ययनको क्रममा
विश्वका जनतालाई विभिन्न प्रश्न सोधिएको थियो । के तपाईले हिजो राम्रोसँग आराम
गर्नुभयो ? तपाईले हिजो आफुलाई
सम्मानित महसुस गर्न सक्नुभयो ? के तपाई हिजो
खुबै हाँस्नुभयो ? के तपाईले हिजो
कुनै रोचक काम गर्नुभयो ? के तपाइले हिजो
सुख, दुःख, पीडा, निरासा तथा क्रोध मध्ये कुनै संवेदना अनुभुति गर्नुभयो ? लगायतका प्रश्न सोधिएका थियो ।
यी प्रश्नबाट
प्राप्त उत्तरको आधारमा ३६ प्रतिशत सिंगापुरेले मात्र यी सोधिएका प्रश्नमा
सक्रियता पूर्वक हो वा होइन भन्ने जवाफ दिए । सयमा ६६ जना सिंगापुरेहरुलाई अनुभुति
तथा संवेदनाका यी सवालमा कुनै चासो थिएन । अर्थात् ६६ प्रतिशत सिंगापुरेले आफुलाई
सोधिएका प्रश्नहरुमा कुनै प्रतिक्रिया जनाएनन् ।
यस्तै जर्जिया
तथा लिथुआनियाका जनतामध्ये पनि सयमा केवल ३७ जनाले मात्र संवेदनाको अनुभुति प्रकट
गरे ।
अध्ययन अनुसार
विश्वमा सबैभन्दा बढि संवेदना भएका जनता फिलिपिन्सका हुन् । ६० प्रतिशत
फिलिपिनोहरु संवेदनायुक्त भएको अध्ययनको निष्कर्ष छ । बढि संवेदना भएका जनतामध्ये
दोश्रो स्थानमा साल्भाडोर, तेश्रो स्थानमा
बहराइन, चौथो स्थानमा ओमान र
कोलम्बिया तथा पाँचौ स्थानमा क्यानडा तथा अमेरिका लगायतका देशहरु परेका छन् ।
संवेदनाको हकमा
कुरा गर्दा दक्षिण अमेरिकी जनताहरुमा सकारात्मक संवेदना बढि भयो र नकारात्मक
संवेदना इराक तथा प्यालेस्टाइन लगायतका देश र उत्तरी अफ्रिकी देशहरुका जनतामा
अत्यधिक रहेको पाइएको छ ।
केही समय पहिलेको
अध्ययनले पनि दक्षिण अमेरिकी जनता सबैभन्दा सुखी तथा खुशी रहेको देखाएको थियो ।
0 comments
Post a Comment